Həbib Müntəzirin blogu

Xalqım üçün yeni proqram yazmışam. Millət olmaq naminə bir proqramdır. www.milletolaq.biz saytına girdikdən sonra “Yükləmə” bölməsinə keçin və “Millət.exe” proqramını kompyuterinizə yükləyin. Daha sonra kompyuterinizdə çıxacaq olan “Ürəyim” faylını “.zip” formatdan çıxardıqdan sonra “Ürəyim” qovluğu yaranacaq və həmin qovluğu açın. İçindəki “Millət.exe” faylına “siçan”la iki dəfə ehmalca üzərinə vurduqdan sonra proqram yükləmə prosesinə başlayacaqdır. Amma burada diqqət yetirməniz gərəkən bir neçə nüans var ki, “Rüşvətxorluq.exe”, “Yerlibazlıq.exe”, “Yaltaqlıq.exe” və “Qorxaqlıq.exe” proqramları qapalı olmalıdır.

 Azərbaycan bayrağı - Azerbaijan flag

Əvvəla blogumda hamınızı salamlayıram, xoş gəlmisiniz. Azərbaycan internet məkanında ilk milli blog sistemi olan "AzeriBlog"un ərsəyə gəlməsi münasibətiylə bütün internet istifadəçilərimizi təbrik edirəm. İnanın ki, sevincimin həddi-hüdüdü yoxdur, ona görə də hər birinizlə adambaşı bir kilo paylaşmaq istəyirəm.